जिल्हाधिकाऱ्यांच्या प्रयत्नाने अनुकंपा भरती प्रक्रियेला गती
जिल्हाधिकाऱ्यांच्या प्रयत्नाने अनुकंपा भरती प्रक्रियेला गती
अमरावती, दि.15 (जिमाका): जिल्ह्यातील सर्व नगरपरिषद व नगरपंचायतीतील बिंदुनामावली मागासवर्ग कक्षातर्फे प्राधान्याने अद्ययावत करण्यात आली असून, जिल्हाधिकारी पवनीत कौर यांच्या प्रयत्नांनी अनुकंपा भरती प्रक्रियेला गती मिळाली आहे.
जिल्ह्यामध्ये एकुण दहा नगरपालिका व चार नगरपंचायती आहेत. नगरपरिषद व नगरपंचायती यांच्या आस्थापनेवरील अनुकंपा पात्र उमेदवारांचे नियुक्त्या या रिक्त पदे व बिंदुनामावली अद्ययावत नसल्याने रखडल्या होत्या. तथापि, जिल्हाधिकारी श्रीमती कौर यांनी वेळोवेळी पाठपुरावा करुन व बैठका घेऊन बिंदूनामावली अद्ययावत करुन घेतली. तसेच प्रतिक्षासुची प्रसिध्द करुन प्रक्रियेला वेग दिला.
नगरपालिका शाखेतील जिल्हास्तरीय अनुकंपा सामाईक प्रतीक्षायादीमधून गट-क व गट-ड उमेदवारांची जेष्ठतेनुसार नगरपरिषद व नगरपंचायत मधील रिक्त जागांवर शिफारस करण्याबाबत बैठकही नुकतीच झाली.
जिल्हास्तरीय अनुकंपा सामाईक प्रतीक्षायादीमध्ये गट-क च्या एकूण 28 व गट-ड साठी एकूण 8 उमेदवारांची प्रतीक्षासूची प्रसिध्द करण्यात आली आहे. या प्रतीक्षायादीमधून नियमाप्रमाणे गट-क व गट-ड संवर्गातील एकूण रिक्त जागेच्या 20 टक्क्यांप्रमाणे गट-क साठी एकूण 7 व गट-ड साठी एकूण 2 उमेदवारांची जेष्ठतेनुसार अनुक्रमे लिपिक टंकलेखक व शिपाई आणि व्हॉल्वमन या पदांसाठी रिक्त पद असणाऱ्या नगरपरिषद व नगरपंचायतीमध्ये शिफारस करण्यात आलेली आहे.
00000
Comments
Post a Comment