दर्यापुर विधानसभा मतदार संघातील मतदारांना सूचना निवडणूक कार्ड आधारकार्ड सोबत जोडण्यासाठी रविवारी विशेष शिबिर
दर्यापुर विधानसभा मतदार संघातील मतदारांना सूचना
निवडणूक कार्ड आधारकार्ड सोबत जोडण्यासाठी रविवारी विशेष शिबिर
अमरावती, दि.07: भारत निवडणुक आयोगाच्या सूचनेनुसार मतदारांचा आधार क्रमांक त्यांच्या मतदार यादीतील नोदींशी जोडण्यात येत आहे. ही विशेष मोहीम 40-दर्यापुर विधानसभा मतदार संघात राबविण्यात येत आहे. या मोहिमेतंर्गत 40 - दर्यापुर विधानसभा मतदार संघातील 337 मतदान केंद्रावर येत्या रविवारी दि.11 सप्टेंबर रोजी विशेष शिबिराचे आयोजन करण्यात आले असून सकाळी 10 ते सायंकाळी 5 वाजेपर्यंत मतदान केंद्रस्तरीय अधिकारी (BLO) हे मतदान केंद्रावर उपस्थित राहतील. मतदानकार्ड आधार कार्डसोबत लिंक करण्याची प्रक्रिया यावेळी राबविण्यात येईल ग्रामस्थांनी या वेळेत आपल्या गावातील मतदान केंद्रस्तरीय अधिकारी यांच्या कडून आपले व आपल्या कुटुंबातील मतदारांचे आधार क्रमांक लिंक करुन घ्यावे. तसेच मतदान कार्ड आधारकार्डसोबत जोडण्यासाठी निवडणुक आयोगाच्या व्होटर हेल्पलाईन ॲप डाऊनलोड करावे. त्या नंतर व्होटर रजिस्टेशनला क्लिक करुन फार्म 6 बी ला क्लिक करावे. लेट्स स्टार्टला क्लिक करुन स्वत:चा मोबाईल नंबर टाकावा. त्यावर आलेला ओटीपी टाकल्यावर व्हेरीफायला क्लिक करावे. व्होटर आयडी असेल तर एस आय हॅव व्होटर आयडी हे निवडा. व्होटर आयडी नंबर टाकून महाराष्ट्र राज्य निवडा व नंतर प्रोसिडला क्लिक करा व आधार नंबर टाकून डन व कन्फर्मला क्लिक करावे. शेवटी आधार निवडणुक ओळखपत्राला लिंक झाल्याचा संदेश येईल. मतदारांनी या शिबिराचा लाभ घ्यावा, असे आवाहन 40- दर्यापुर विधानसभा मतदार संघाचे मतदार नोंदणी अधिकारी तथा उपविभागीय अधिकारी मनोज लोणारकर तसेच सहायक मतदार नोंदणी अधिकारी तथा तहसिलदार डॉ.योगेश देशमुख यांनी केले आहे.
00000
Comments
Post a Comment