शासकीय वसतिगृह प्रवेशासाठी मागासवर्गीय विद्यार्थ्यांकडून अर्ज आमंत्रित

दुसऱ्या महायुद्ध लाभार्थींनी हयातीचे दाखले सादर करावे

जिल्हा सैनिक कार्यालयाचे आवाहन

       अमरावती, दि.13 : शासनाचे नियमाप्रमाणे दरवर्षी 1 मे आणि 1 नोव्हेंबर रोजी दुसरे महायुद्ध लाभार्थींनी हयातीचे दाखले जिल्हा सैनिक कल्याण कार्यालय, अमरावती येथे सादर करणे आवश्यक आहे. बरेच माजी सैनिक विधवा लाभार्थींनी अद्याप पावेतो आपले हयातीचे दाखले जिल्हा सैनिक कल्याण कार्यालयात जमा केले नाही. हयातीचे दाखला अप्राप्त असल्यास जिल्हा सैनिक कल्याण कार्यालयामार्फत कोषागार कार्यालयातून अनुदान आहरीत करण्यात बऱ्याच अडचणी निर्माण होत आहेत.

          तरी सर्व दुसरे महायुद्ध लाभार्थींना कळविण्यात येते की, त्यांनी आपल्या हयातीचा दाखला जिल्हा सैनिक कल्याण कार्यालय, अमरावती यांचेकडे आपली सही/अंगठा लावून तसेच दाखल्यावर संबंधित बँकेच्या अधिकाऱ्यांची सही व शिक्का घेवुन विना विलंब सादर करावा. हयातीचा दाखला वेळेत सादर न केल्यास लाभार्थींचे अनुदान रोखण्यात येईल याची सर्व लाभार्थ्यांनी नोंद घ्यावी असे जिल्हा सैनिक कल्याण अधिकारी, अमरावती यांनी कळविले आहे.

00000

वाघ/गावंडे/दि.13-7-2016/13-05 वाजता