भारतरत्न डॉ. बाबासाहेब आंबेडकर यांचे विचार व कार्य
विषयावर आजच्या जय महाराष्ट्रमध्ये मुलाखती
मुंबई, दि. 9 : माहिती व जनसंपर्क महासंचालनालयनिर्मित 'जय महाराष्ट्र’ कार्यक्रमात ‘डॉ.बाबासाहेब आंबेडकर यांचे विचार व कार्य’ या विषयावर अनुसूचित जाती जमाती आयोग महाराष्ट्र राज्य, विधी सदस्य सी. एल. थूल आणि डॉ. बाबासाहेब आंबेडकर यांच्या विचारांचे अभ्यासक डॉ. संदेश वाघ यांची विशेष मुलाखत घेण्यात आली आहे. दि. 14 एप्रिल रोजी डॉ. बाबासाहेब आंबेडकर यांच्या 127 व्या जयंतीनिमित्त ही मुलाखत दूरदर्शनच्या सह्याद्री वाहिनीवरून उद्या मंगळवार दि. १० जानेवारी रोजी संध्याकाळी 7.30 ते 8 या वेळेत प्रसारित होणार आहे. निवेदक नरेंद्र बेडेकर यांनी ही मुलाखत घेतली आहे.
भारताचे संविधान, डॉ. बाबासाहेब आंबेडकर यांचे कायदेविषयक विचार, हिंदू कोडबिल, डॉ. बाबासाहेब आंबेडकर यांची पत्रकारिता, पुणे करार, डॉ. बाबासाहेब आंबेडकर यांचे साहित्य, अनुसूचित जाती-जमाती आयोगाचे कामकाज, याबाबत सविस्तर माहिती श्री. थूल आणि डॉ. वाघ यांनी ‘जय महाराष्ट्र’ कार्यक्रमातून दिली आहे.
००००
Comments
Post a Comment