शासकीय वसतिगृह प्रवेशासाठी मागासवर्गीय विद्यार्थ्यांकडून अर्ज आमंत्रित

दिलखुलास मध्ये सामाजिक न्याय मंत्री राजकुमार बडोले

(बीड येथे २१ आणि २२ एप्रिल रोजी व्यसनमुक्ती संमेलन)

मुंबई, दि. १८ : माहिती व जनसंपर्क महासंचालनालय निर्मित दिलखुलास कार्यक्रमात दि. २१ आणि २२ एप्रिल रोजी बीड येथील व्यसनमुक्ती संमेलनाबाबत सामाजिक न्याय व विशेष सहाय्य मंत्री राजकुमार बडोले यांची विशेष मुलाखत घेण्यात आली आहे. ही मुलाखत आकाशवाणीच्या अस्मिता वाहिनीवरून उद्या गुरुवार दि. १९ एप्रिल  आणि शुक्रवार दि. २० एप्रिल रोजी सकाळी ७.२५ ते ७.४० या वेळेत प्रसारित होणार आहे. निवेदक श्रीमती उत्तरा मोने यांनी ही मुलाखत घेतली आहे.

शासनाद्वारे बीड येथे दि. २१ आणि २२ एप्रिल रोजी व्यसनमुक्ती संमेलनाचे आयोजन करण्यात आले आहे. या निमित्ताने सामाजिक न्याय व विशेष सहाय्य विभागामार्फत व्यसनमुक्तीसाठी राबविण्यात येणारे विविध उपक्रम,व्यसनमुक्ती संमेलनाची संकल्पना, नशाबंदी मंडळाचे कार्य व स्वरूप, नशाबंदी कार्यशाळा, व्यसनमुक्तीसाठी करण्यात येणारे प्रबोधन, व्यसनमुक्ती संस्थांना देण्यात येणारे पुरस्कार व सबलीकरण निधी आदी विषयांची माहिती श्री. बडोले यांनी दिलखुलास कार्यक्रमातून दिली आहे.