खनिकर्म विभाग; ई-निवीदेस 31 जानेवारीपर्यंत मुदतवाढ
खनिकर्म विभाग; ई-निवीदेस 31 जानेवारीपर्यंत
मुदतवाढ
अमरावती, दि. 24 (जिमाका): जिल्हाधिकारी
कार्यालयामार्फत तलई ता. धारणी, व तळणी पूर्णा ता. चांदूरबाजार तालुक्यातील नदीपात्रातील
गाळ व गाळ मिश्रीत वाळू, वाळूडेपोपर्यंत वाहतुक व डेपो निर्मिती तसेच व्यवस्थापन करण्यासाठी
ई-निवीदा मागविण्यात आली होती. या ई-निविदा सूचनेला बुधवार दि. 31 जानेवारीपर्यंत मुदतवाढ
देण्यात आली आहे, अशी माहिती जिल्हा खनिकर्म अधिकारी इम्रान शेख यांनी दिली आहे.
अमरावती जिल्ह्यात
पुरपरिस्थिती निर्माण होणाऱ्या तलई ता. धारणी व तळणी पूर्णा ता. चांदूरबाजार तालुक्यातील नदीपात्रातील स्थळांतुन गाळ व गाळ मिश्रीत
वाळूची, वाळूडेपो पर्यंत वाहतुक करणे व डेपो निर्मिती तसेच व्यवस्थापन करण्यासाठी ई-निवीदा
सुचना प्रसिध्द करण्यात आली होती. निवीदा स्विकारण्याची अंतिम दि. 23 जानेवारीपर्यंत
होती. त्यानुसार 10 वाळू डेपोंपैकी मौजे तलई ता. धारणी व मौजे तळणी पूर्णा ता. चांदुरबाजार
येथे 3 किंवा त्यापेक्षा जास्त निवीदा प्राप्त झालेल्या आहेत. उर्वरित 8 वाळूडेपोंकरिता
निवीदा प्राप्त झालेल्या नसल्याने या कार्यालयाचे दि. 23 जानेवारी 2024 रोजी दुपारी
12 वाजेपर्यंत प्रथम मुदतवाढ देण्यात आली होती. मुदतवाढीमध्ये 8 वाळूडेपोकरीता एकही
निविदा प्राप्त झालेली नाही. सदर ई-निवीदेस दि. 31 जानेवारी 2024 रोजी दुपारी 12 वाजेपर्यंत प्रथम मुदतवाढ देण्यात
आलेली आहे. याची संबंधितांनी नोंद घ्यावी.
00000
Comments
Post a Comment