आधारभुत किंमतीप्रमाणे सोयाबिन व कापूस खरेदी केंद्रावर नोंदणी सुरु; शेतकऱ्यांनी ऑनलाईन नोंदणी करण्याचे आवाहन
आधारभुत किंमतीप्रमाणे सोयाबिन
व कापूस खरेदी केंद्रावर नोंदणी सुरु;
शेतकऱ्यांनी ऑनलाईन नोंदणी करण्याचे
आवाहन
अमरावती, दि. 25 (जिमाका) : शासकीय किमान आधारभूत किंमतीप्रमाणे सोयाबीन व कापूस खरेदी केंद्र सुरु असून शेतकरी बांधवांची ऑनलाईन
नोंदणी करावी, असे आवाहन जिल्हाधिकारी सौरभ कटियार यांनी केले आहे.
आधारभूत
किंमतीप्रमाणे अमरावती जिल्ह्यामध्ये कॉटन कॉपोरेशन ऑफ इंडियाव्दारे येवदा ता.दर्यापूर
व भातकुली येथे कापूस खरेदी केंद्र सुरु असून शेतकऱ्यांची नोंदणी प्रक्रिया सुरु आहे.
कॉटन फेडरेशनमार्फत जिल्ह्यातील चार तालुक्यात धामणगाव रेल्वे, चांदुर बाजार, वरुड
व दर्यापूर या ठीकाणी कापूस खरेदी केंद्र प्रस्तावित आहे. तसेच नाफेडमार्फत सोयाबीन
खरेदीकरीता जिल्ह्यामध्ये अचलपूर तालुक्यामध्ये 2 केंद्र तर चांदुर रेल्वे, दर्यापूर,
धारणी, नांदगाव खंडेश्वर, नेरपिंगळाई ता.मोर्शी, तळवेल ता.चांदुर बाजार व तिवसा येथे
प्रत्येकी एक प्रमाणे नऊ ठिकाणी खरेदी केंद्र प्रस्तावित आहे. तरी शेतकरी बांधवानी
खरेदी केंद्रावर नोंदणी करुन शासकीय किमान आधारभुत किंमतीप्रमाणे सोयाबीन व कापूस विक्री
करावे, असे आवाहन प्रशासनाव्दारे करण्यात आले आहे.
00000
Comments
Post a Comment