आदेशाचे उल्लघंन करणाऱ्यांविरुध्द प्रशासनाची धडक मोहिम
शहरातील चार दुकानांवर कारवाई
अमरावती, दि. 23 : जिल्ह्यात कलम 144 लागू असताना व बंदीचा सुस्पष्ट आदेश असताना दुकाने चालू ठेवल्याबद्दल शहरातील चार दुकानांवर महापालिकेच्या पथकांनी कारवाई करत दुकाने सील केली आहेत.
आदेशान्वये जीवनावश्यक वस्तू विक्री वगळता अन्य दुकाने बंद ठेवण्याचे आदेश आहे. तथापि बडनेरा रोडवरील पाटमासे स्टील, साई ऑटो एजन्सी, मोची गल्ली येथील फैजल अब्बास कटलरी स्टोअर्स व मोर्शी रस्त्यावरील एक पानठेला अन्न पदार्थांच्या नावाखाली कटलरी व स्टेशनरी वस्तू विक्री करत असल्याचे आढळून आले. त्यानुसार पालिकेच्या पथकानी ही दुकाने सील केली आहेत.
महापालिकेच्या क्षेत्रात तहसीलदारांच्या नेतृत्वाखाली एक, अतिक्रमण अधिकाऱ्यांच्या नेतृत्वाखाली दोन, पशुवैद्यकीय अधिकारी यांच्या नेतृत्वाखाली एक अशी चार पथके तयार करण्यात आली आहेत. ही पथके आदेशाचा भंग होऊ नये, यासाठी शहरभर नजर ठेवून आहेत.
0000
Comments
Post a Comment